Spectra Lash Mascara

السلام عليكم ,, اخباركم ياجميلات ,, شكرا لكل من نشر مدونتي ومازلت محتاجه دعمكم اذا حبيتو المدونة اتمنى تنشروها وراح اكون شاكره وممتنة ,, واتمنى ان اي بنت جربت اي منتج من افون تكتب كومنت عن رأيها وتسلمون لي كلكم ,,

اليوم ان شاء الله راح نتكلم عن ماسكارا رائعه وتعتبر من التوب من ماسكارات افون ,, وفعلا كل من جربها مدحها ,,
الجميل بهالماسكار تنفع لكل الاوقات يعني خليها بشنتطك دائما ,, لانها تحتوي على 3 مستويات ,, رقم 1 يطول وتنفع للوك العادي الصباحي مثلا دوام جامعه شئ خفيف ,, ورقم 2 تعطي فوليوم وكثافه ورقم 3 تعطي كثافه 8 مرات اكثر وتنفع للسهرات والمناسبات بالليل ,,

الماسكارا هذي تعتبر الاولى بالعالم اللي تعتمد على خاصيه الارقام وفكرتها لما بتختاري رقم 1 فتحه العلبه اللي بتطلع منها الفرشة بتكون ضيقه فالمساكارا نفسها ماتكون كثيره بالفرشة فبتعطي لوك ناعم وكل مازدتي رقم الفتحه بتتوسع الفتحه ومعها تزيد كميه الماسكارا عالفرشة ..

الجميل فيها ماتتكتل ولاتصلق وهذا شئ مهم ,, سعرها الاصلي 72 ,, اتمنى تجربوها وان شاء الله بتعجبكم

Nailwear pro+

صباح الخيرات عزيزاتي ,, اليوم راح نتكلم عن المناكير من الاشياء المفضله عندي بافون مناكيرها جدا جمييلة لونها غني يعني مايحتاج تعيدي عليه كم مره ,, مره وحده وخلاص يطلع معك لون قوي ,, ماتتقشر وتدوم طويلا ,, وتحتوي على جل الاكريليك اللي يقوي الاظافر .. لمعتها حلوة في الوان كثيره وانواع اليوم راح اعملكم سواتش لهالمجموعة ,, سعها الثابت 37 ريال وطبعا استغلو الخصم احيان يوصل سعرها 20 والمناكير من الاشياء اللي احب اخذها بوقت خصم لان ماخاف ان صلاحيتها تنتهي او تضر ,,

اضغطو ع الصور تتكبر ,,

واللحين سواتش عالاظافر ,, للاسف اللون اللؤلؤي مش متوفر ,,

انا بصراحه اعجبني هالالوان الثلاثه ,, خاصه في لون عالتيفاني جدا جميل وهذا ديزاين بسيط اتمنى تستفيدو منه ..

Avon Ultra Color Rich Brilliance Lipstick

السلام عليكم ياحلوين ان شاء الله راح نبدا اليوم ,,

طبعا افون تميزت بارواجها الجميله ذات اللون الغني والثابت لمده ساعات ,, طبعا كل روج له مواصفات وان شاء الله راح نتكلم عن كل نوع بالتفصيل ..

بخصوص الارواج كثير بنات يواجهو هالمشكلة يختارو لون روج من الكتالوج واذا وصل الروج حصلو اللون مختلف شويه لذلك ان شاء الله راح انزل لكم سواتش للالوان عشان تشوفوها قبل ماتشترو ,, طبعا اليوم بنتكلم عن روج الترا كولور ريتش برليانس هو طبعا ليب ستيك غني لون كثيف وفيه نسبه ترطيب ولمعه ,, جدا جميل والوانه رائعه ’’ عملت لكم سواتش لخمس الوان السادس ماحصلت له للاسف ,, اتمنى تعجبكم سعره الاساسي  75 ريال ,, لاتفوتو فرصه الخصومات واقتنو هالروج الجميل ,,

انطلاقة

السلام عليكم ورحمة الله وبركاته ,,

اهلن بالجميع ,, حبيت افتح هالمدونة حتى نتساعد كلنا فيها يالافونيات ,, هههههه لقب اطلقته على مشجعات ومستخدمات هالماركه الجميلة ,,

بدايه احس هالماركه حييل حيييل مظلومة عندنا مع انها ماركه عالميه ولها مواقع الكترونيه خاصه بكل دولة حتى الهند وجنوب افريقيا تخيلو شهرتها .. طبعا زي باقي الماركات عندها الشئ الجميل والشئ العادي .. وهنا حابين نتكلم عن الاشياء اللي استخدمناها ونتبادل خبراتنا ,,


طبعا افون هي شركه تتعامل مع البيع الدايركت يعني تتفرجي ع الكتالوج تقدمي طلبيتك وخلال اسبوع او حولها توصلك الاغراض وتدفيعها للمندوب ,, بلا لفه اسواق ووجع راس ,, وحاليا الطلب عن طريق الانترنت افضل واسرع ..

فاللي حابه تسجل بالشركه تخبرني وانا برسم الخدمه اسجلها ,, وطبعا التسجيل مجانا 

اللي حابه تستفسر عن التسجيل اكثر راح اوضح لها وان شاء الله ماراح تنتدمي لان التسجيل مجانا وراح تاخذي المنتجات باقل من سعرها وكمان احيانا تكون معها هدايا واشياء جمييلة ..

حبيت اوضح شغله ان الصور اللي راح انزلها بالبلوق مو كلها من تصويري لان راح استعين بمدونات اجنبيه وهكذا ..

سعيده بتواجدي بينكم ,, وارحب بانضامكم واي وحده عندها خبره كبيره بالشركه حياها تشاركني بالتدوينات ,,